فى روضة الحب النضير ... وتبسـُّـم الطفل الصغير ْ
والعشـب بلـلـه الندى ... وفراشــة ٍ فـــوق الزهـور ْ
والبـدر يهمـس فى هوى ... لسحـابـة ٍ تهوى البدور
والطير يصدح بالغنا ... والنجم ينصت فى سـرور
والبحـر يرقص عابئاً ... بالشــطِّ ووقار الصخـور
وحبيبتـى تلهــو معى ... نبـنـى على الشـطِّ القصور
والمــوج يهــدم ما بنـيـنـا ليــس يبقـى منـــه ســـور
فـنـظــل نضحــك أو نـهـلــل أو نـغــنــى أو نـــدور
ونـظــل نـلـعــب لا نـبـالـى بالـعـيـــون وبالأمـــور
نعدو ونرتشف الهوى ... حتى يفيـض بنا الشعــور
نـلـهــو وأحــلام الطـفـــولـة كـلـهـــا فـيـنـا تـثــــور
فـنـداعـب العـصـفــور والعنـديــل بل كـل الطيــور
ونخـاطــب الأقـمــار والأفـــلاك والـبــرق المـنـيـر
ونـظــل حتـى الفجــر نهـمـس للغصـون وللغـديــر
ونرتـل الـلـحــن الجمـيـل بمعـزف الحـب الصغيـر
نحنـو عـلـى وتـر الحيــاة فــيـنـتـشـى فيها الصفيـر
ونـلــون الـدنــيـــا بألــوان الـسـعـــادة والـســـرور
نـكـســو خـُطـانـا بالبنفسج والسفـرجـل والحـريـر
سَـكْرى هى الدنيا من الإحساس ليس من الخمور
سكرى هى الأعشاب إن لمست خطانا فى المسير
سـكـرى هـى الأزهــار إن شمّـت بأنفسنـا العبيـر
سكـرى هى الأنهـار إن رشفـت هوانـا فى الثغور
ونـظــل نعــدو سرعـــة ً بين الجداول والصخــور
نتسـلــق الساعــات ِ والأيــام َ فــى كــل العصـور
نجد الحيــاة بهـيــة ً ... تخلـو من الحزن المريـر
تخلـو من النـوح المكبـّـل بالأسى ومـن الشـــرور
من دمعة الطفل الصغير وغُـصـَّـة الشيـخ الكبيــر
من قســوة الريح الذى لا يرحم الغصـن الكسيــر
من صرخـة الرعـد المخضـب بالدماء وبالثبـور
من رعـــب آلام الوجــود إذا سـرى فيه الزئيـر
تخـلـو مـن الأوجـاع والأحقـاد بل حتى الغـرور
هناك 15 تعليقًا:
عارف يا مصعب انا دلوقتي اللي بكتبهالك بين قوسين لأنها بجد اترسمت على وشي لما قريتها
( ابتســــــامــه )
بجد بشكرك اوووووووي يا مصعب
ربنا يسعد ايامك ويفرح قلبك :)
نجد الحيــاة بهـيــة ً ... تخلـو من الحزن المريـر
تخلـو من النـوح المكبـّـل بالأسى ومـن الشـــرور
من دمعة الطفل الصغير وغُـصـَّـة الشيـخ الكبيــر
من قســوة الريح الذى لا يرحم الغصـن الكسيــر
من صرخـة الرعـد المخضـب بالدماء وبالثبـور
من رعـــب آلام الوجــود إذا سـرى فيه الزئيـر
تخـلـو مـن الأوجـاع والأحقـاد بل حتى الغـرور
فيين ده ياعمنا؟ انت يابني خيالي بشكل فظيع علشان كده شايف الشعر عمره مهيعجبني الا في حالات معينه تمسني
حب ايه ده اللي ينسي الواحد همومه
وحتي لو فيه حب هتطلع تجري وراها فين غلي الشط
انت شكلك كنت بتقعد تتفرج علي افلام عربي زمان
الحاجات دي اخرها تتخيلها لكن ماتحلمش باكتر من كده خالص
يا خرااااابي عالاحباط واليأس يا دكتور
يعني حرام عليك لا هنشوفه في حقيقة ولا حتى نحلم ونتخيل بيه
يا سيدي نحلم بسسسسس هو الحلم كمان بقى كتير عالواحد :(
ههههههه
ماهو انا مابحبش اقعد احلم بحاجه لدرجه اني ادمنها واكتشف اني لا يمكن اقابلها في حياتي وبعدين يمكن العيب فيا انا لاني مابقتش احس بالحاجات دي
لو علي الحلم هو الحاجه الوحيده اللي ببلاش بس مش بايدنا برده
الحقيقه ان القصيدة دى لن تؤثر فى انسان مثلما أثرت فيا انا نفسى
انا كتبت أبياتها وكل بيت يمثل إحساس ورغبة بداخلى
والقصيدة دى انا بعتبرها دلوقتى مرحلة من مراحل النضج الشعري ونقلة نوعا ما فى كتاباتى أتمنى انها تستمر
لأنها بتتميز عن كتاباتى السابقة بأشياء منها
نضج الخيال الذى هو أساس الشعر
وتذوق الطبيعة من خلال إحساسنا
وأظن هذا الشعر ينتمى للمدرسة الرومانتيكية اللى ظهرت فى الغرب واللى كان من أعلامها فى المشرق العربى هو الشاعر الفذ أبو القاسم الشابى
لكن انا سعيد بها للغاية فكما أن هذه القصيدة سميتها (( بقايا سرور )) فهى فعلا سرور أدخلته إلى نفسى
وأتمنى ألا تنتهى هذه البقايا
وأنا أتمنى أن تنال إعجاب من يقرأها لأن هذه فى الحقيقه هى غاية الكاتب او الشاعر إن صح تسميتى بكلمة شاعر
فكل هدف الشاعر أن يتذوق القارئ كلماته وإحساسه :)
مروه :)
جزاكم الله خيرا يا اختى على كلامك
وانا اللى بشكرك على ذوقك وهذا الكلام الجميل
وأتمنى حقا أن تكون قد سعدتى بها وأدخلتك عليكى السرور
لأنها على أقل القليل
بقايا سرور :)
السلام عليكم
دكتورنا :)
والله يا محمد لازم تفهم ان الخيال هو أساس الشعر كيف يكتب الانسان شعرا بدون خيال واسع ورحيــب !!
وبعدين انت بتقول ده فى الاحلام ولا يمكن يتحقق
لا ابدا
انا مش بصف ان الحياه هاتفضل طول عمرها بهذا الشكل الرائق الجميل
انا بصف لحظه
احساس فى وقت معين
اكيد كلنا حسيناه او على الاقل هانحسه
هذا الاحساس حاولت اعبر عنه بالقصيدة دى
لكن الاكيد ان الاحساس ده مش بيستمر ولا هايفضل طول العمر
ده وقت ولحظه معينه
انا عبرت عنها
ومش حلم أبدا يا حبيبى فمن يحيا بدون أن يشعر بمثل هذا الاحساس ولو مره فهو ميت ولو عاش ألف ألف سنه
وبعدين انا ذكرتش انى بجرى وراها على الشط كده بصراحه
وان كنت فعلا ذكرت كلمة نعدو يعنى نجرى
لكن مش شرط وراها :)
وبعدين مش الفكره فى الجرى الفكره فى الاحساس والشعور واللحظه اللى بوصفها
ودى مش أفلام عربى وانا لو كنت بتفرج على افلامى عربى كنت عمرى ما هاكتب إحساسى بالصورة دى أو هكذا أظن :)
ولا ايه يا حبيبى ؟ :)
السلام عليكم
انا يكفيني اسمها عشان اقولك هايلة D:
ساره ... سرور _ سرور ... ساره
D:D:D:
والله يامصعب مابقتش عارفه ادخل اقول ايه
حاسة اني قاعده اكرر كلامي من كتر ماقصايدك حلوة بجد واسلوبك اكثر من رائع هو بس الحاجه الوحيده اللي بتبقى شوية صعبه هي المغزى من ورى القصيده او ابيات القصيده بحسها صعب اني افهمها على طول وانك انت الوحيد اللي عارف بتكتب عن ايه ..
بعدين ياسيدي مستنيين مواضيع تانيه غير القصايد عشان نعرف نناقشك فيها :)
وبعدين انا ذكرتش انى بجرى وراها على الشط كده بصراحه
وان كنت فعلا ذكرت كلمة نعدو يعنى نجرى
لكن مش شرط وراها :)
...
انا يكفيني اسمها عشان اقولك هايلة D:
ساره ... سرور _ سرور ... ساره
...
التعليقات هاذي ضحكتني من قلب
تصدق يا مصعب
أنا شميت ريحة أبو القاسم الشابي
و قعدت أعصر دماغي حتى أتذكر اسمه
وفي الأخير لما فتحت التعاليق لقيتك كاتب اسمه
حلو ما شاء الله
أحلى وحدة قريتها لك من وجهة نظري
أنا أحب الرواق
صحيح أضم صوتي لصوت سارة
كنت مرة كتبت موضوع اسمه متفرقات على ما أظن اللي كانت فيه باريس هيلتون
أذكر انك حطيت عليه رقم واحد
ع اساس فيه 2 و 3 و4
أذكرك بس
:)
فى روضة الحب النضير ... وتبسـُّـم الطفل الصغير ْ
من أول بيت وأنا حسيت بروح أبي القاسم الشابي هنـا :D
وكنت داخلة أقولك انت بتعارض قصيدة الشابي عن الطفولة يا مُصعب :D
عنجد راااااااائعة
وإحساسك عالي أوي يعني :D
سارة :)
والله يا اختى جزاكم الله خيرا على كلماتك
وعلى كل حال فكلمات التقدير لأى كاتب هى ذات قيمة ليست من قبيل الكلام غير المفيد
ولا أظن أن هناك كاتب يكتب من أجل نفسه فقط ومن يزعم غير ذلك فهو كاذب فى نظرى ،،
أما المغزى مما أكتبه فأنا أنه ليس صعبا على الأقل فى غالب ما أكتبه :)
لا أدرى
ربما لا أستطيع أن أوضح مقصدى بالقدر الكافى
ولكن هذه القصيدة على ما أظن واضحة لا ينالها غموض أو خفاء
فغرضها واضح فى نظرى
وجزاكم الله خيرا يا اختى على ردك :)
وكما قلتى فاسم سارة معناه إدخال السرور :)
فنسأل الله أن يحيطك بالسعادة والسرورو والفرح :)
بس المهم تدخلى السرور علينا زى اسمك ولا ايه ؟
السلام عليكم :)
جنه
بتحبى الرواق :)
هههههههه
ربنا يروقنا معاكى يارب
وأبو القاسم الشابى شاعر فذ فى الحقيقه لك قدرة جيدة على إستغلال الطبيعة فيما يكتب واستيلاد الصور منها
مما يضفى رونقا جذابا على كتاباته
والحقيقه أنا ينقصنى نوع من ذلك فى كتاباتى
وعلى كل حال ، فأنا مازلت أتعلم وأسعى لتطور والتجديد فيما أكتبه
وأسعى أن أتناول بكتاباتى كافة المدارس الشعرية ومن أجملها هذه المدرسة الرمانتيكية التى ظهرت اول ما ظهرت فى الغرب ولم يكن يعرفها شعراء العرب القدامى بشكل مستقل ومنضبط
ولكن كانت أشعارهم تحوى من هذا وذاك
وعلى كل حال كويس انها عجبتك :)
وبالنسبه للمواضيع النقاشية فانا لما بحس انى عاوز اكتب بكتب بس المشكله انى كل ما اجى اكتب
اكتب شعر :)
خير ان شاء الله
وبعدين موضيعكوا والهوامش بتاعتك مغطيه كل النقاشات هههههههه
السلام عليكم
سندريلا :)
فعلا ربما يشعر بذلك من يعلم أسلوب الشابى ويقرأ له كثيرا
ولكن المسألة ليست فى كتابات الشابى نفسه بقدر ما هى تتعلف باتجاه الكتابه والأسلوب
وانا فى الحقيقة قرأت ديوان الشابى كله تقريبا
وانا استمتعت بأشعاره أيما استمتاع
ولكن واجهتنى مشكله وهى أن تقريبا نصف ديوانه وقصائده على بحر الخفيف
وهذا البحر بالنسبه لى ثقيل جدا وموسيقاه على أذنى ليست خفيفه ابدا
لا أدرى لماذا
والمشكله أن الشابى كان مولعا بهذا البحر
وقد نظم عليه ايضا شوقى فى قصائد غير قليله
ولا أدرى هل العيب منى أم من البحر :))
فان كنتى تستطيعى ان تفيدينى فى هذا الأمر ، أرجو ان تجيبينى
لأنك دارسه للأدب :)
ولكن على كل حال شكرا على كلماتك التى لها عندى محل خاص :)
السلام عليكم
اعذرني والله يا مصعب أنا ما بفهمش في حكاية البحور دي خالص :D
أنا كل اللي بركز عليه الجو العام للقصيدة .. القافية .. من أول بيت قرأته لاحظت مفردات الشابي مع القافية كمان - الراء الساكنة - فاللي خطر على ذهني على طول قصيدته المشهورة عن الطفولة .. أصل القصيدة دي بالذات مأثرة فيا جدًا وليهـا معايا ذكريات الحقيقة :D ومش عايزة أقولك الشابي بالنسبة لي حالة خاصة أصلاً :D .. ده أنا حتى البحث بتاعي الخاص بالشعر العربي في سنة رابعة كان عنه :D
لكن أنا ملاحظة إنه ما شاء الله في تقدم في أسلوبك في الكتابة الشعرية بوجه عام يعني :))
وشكرًا على إطراءك أخجلتم تواضعنا يا فندم :))
خير يا اختى ولا يهمك :)
الحقيقه انى مفتقد اوى انى اتكلم فى الأدب والشعر والثقافة والفنون
تعرفى يا اختى
انا لو كنت اتمنى انى أكون فى زمن بغض النظر عن زمن النبى صلى الله عليه وسلم
كنت هابقى فى زمن شوقى والرافعى والبارودى وحافظ العقاد والمناظرات الأدبية وصالونات الأدب والفن والحب والحياة :)
على كل حال
نسأل الله الخير والحياة الصادقة الصالحة
ونسأل الله لنا ولكى الجنة فهى أسمى أمانينا :))
وجزاكم الله خيرا على اهتمامك
السلام عليكم
إرسال تعليق