السلام عليكم ورحمة الله وبركاته
ازيكم ؟
يارب تكونوا بخير يارب :)
القصة انى كنت قدمت فى مسابقة أمير الشعراءالمعروفة اللى بتتعرض على قناة أبوظبي
وده موقع المسابقة
واتقدم للمسابقة ما يقارب العشرة آلاف شاعر ولجنة التحكيم اختارت منهم حوالى مائتين شاعر
والحمد لله بفضل الله انا كنت منهم :)
واتصلت بيا هيئة أبوظبي للثقافة والتراث النهارده وعندى بكره مقابلة مع لجنة التحكيم
علشان هيختاروا من ال 200واحد فقط ستين شاعر وبعد كده هايصفوهم لغاية ثلاثة وخمسين شاعر دول اللى هيشاركوا فى المسابقة على قناة أبوظبى على الهواء مباشرة
وعلى فكرة المقابلة اللى بكره دى هتتذاع على قناة أبوظبي بس مسجله مش مباشرفانا بس عاوزكم تدعولى ربنا يكرمنى بكره مش اكتر من كده يعنى :)
يلا اشوفكم على خير
وأسأل الله أن يوفق ويبارك فى جميع المسلمين
السلام عليكم
هناك 7 تعليقات:
ربنا يوفقك يا رب واذا كان خير ليك ربنا يكتبه ليك واذا كان شر ربنا يبعده عنك ويوفقك يا رب
ربنا يكتبلك كل خير بأذن الله يا مصعب
وتشرفنا كدا في دول الخليج أن شاء الله:D
انا دعيتلك اهو يا مصعب مش عارفه هتفتكريني ولا لاء؟ :D
ربنا يوفقك يامصعب يارب :)
كان لازم بجد تقدم على مسابقتين :
شاعر المليون
وأمير الشعراء
دول اهم برنامجين للشعر ..
سواء عربي او نبطي
في حاجه حابة اقولك عليها..
اللجنه نادراً جدااا اما تعدي المتسابق من غير اي ملاحظة فلو قالوا مهما قالوا اوعى ثقتك تتهز في نفسك ساعات بيبقوا قاسيين وممكن يقبلوا المتسابق وساعات بيكونوا مرنين عادي يعني .. انت خليك واثق من نفسك .. القي شعرك بأحسن مايكون..اكتب قصيده مخصوص للمناسبة دي وممكن يطلبوا اكثر فخليك مجهز نفسك .. حاول ان اوزان الأبيات عندك تكون مظبوطه..التشبيهات لو ماكانتش بليغه فتكون على الأقل شئ خاص ومميز بيك..يعني انفرد بطابع خاص ليك ..
لما تكون في انتظار دورك..حاول تلطف الجو شوية وتبعد عن الضغط والتوتر ..اتكلم مع ده واتعرف على ده .. شوية شوية هيروح التوتر منك ده غير إنها تجربة مميزة جداااا وفي كل الأحوال عمرك ماهتنساها :)
اقرا قرآن وادعي ربنا وانت داخل عاللجنه .. وحاول انك تعتبرهم لجنة تقييم لأداءك نحو الأفضل مش لجنه رهبة وخوف ..
المقابلة فعلا بتبقى مسجله .. بس لما تعرف وقت اذاعتها ابقى ادينا خبر عشان نتابعها وقولنا انت المتسابق رقم كام :)
وبإذن الله نسمع عنك كل خير يارب :)
دووس ياوااد انت قدها وقدود يابحتري عصرك وزمانك ههههههه
هحاول اشوفها لو فضيت ربنا يوفقك ان شالله
مع سمو الشيخ / مصعب بن مش عارف ايه :D
بس عارف لما حتطلع فينل حصوت للضدك :p
علشان الدنيا و الفلوس و الشهرة متخدكش :p
يالا يا عمنا بكرا نشوفك فى ستار اكاديمى مع ميرا اللبنانية و سلمى المغربية و تظبطنى بقى :D
بالتوفيق يا مصعبينو .. دوس و احنا وراك :D
ربنا يوفقك للى فيه الخير يا مصعب باذن الله :)
ربنا يكرمك:)
بس لازم حد يفكرني ويقولي,علشان أتفرج على التليفزيون بإذن الله وأقول لبابا :)
بإذن الله:)
إرسال تعليق